منیم نے سیٹھ کی رقم ہڑپ کرلی

ناندیڑ: ۲۶؍ستمبر (اعتماد نیوز)اناج کے بیوپاری کی رقم وصولی کرکے سیٹھ کے پاس جمع نہ کرکے منیم نے وہ رقم ہڑپ کرلی ۔ پولس اطلاع کے مطابق نیا مونڈھا علاقہ میں نریش بنسی کی اناج کی ہول سیل دوکان موجود ہے ۔ ان کے پاس ارجن شرما یہ نوجوان بطور منیم کام کرتاتھا ۔



اناج کی رقم وصول کرنے کیلئے اُسے دھاروا ارنی روانہ کیا گیاتھا ۔ وہاں سے اس نے تقریباً ۳۵؍ہزارروپئے وصول کئے تھے مگر یہ رقم اس نے دوکان میں لاکر جمع نہیں کی ۔ رقم ہڑپ کرنے کے معاملے پر منیم ارجن شرما کے خلاف شیواجی نگر پولس اسٹیشن میں دھوکہ دہی کا مقدمہ درج کیا گیا ہے ۔